Ola Superformigas, coma cada curso, neste segundo trimestre comezan os partidos de brilé nos recreos que xogarán os nenos/as de 2º e 3 ciclo de E.P. nos recreos de pola mañá. Coma sempre utilizarase o ximnasio e o patio cuberto de 2º e 3º ciclo.Establécense dous grupos, un para os cursos do 2º ciclo e outro para os do 3º ciclo. A organización da competición será dunha primeira fase de todos contra todos e logo unha fase final na que os equipos se cruzarán en función da súa clasificación na liga, ata chegar á final. Este curso nos equipos existen a figura do capitán, que será o encargado de dirixir e informar ao equipo sobre datas dos partidos, e servir de enlace cos mestres/as, tamén haberá dous arbitros que se encargarán de dirixir o correcto desenvolvemento dos partidos (recollida do material, sorteos, actas, entre outras) e asegurarse do cumprimento das normas de xogo, e por último aparece a figura do preparador/a físico, que se encargará de dirixir o quecemento do equipo antes dos partidos.
As puntuacións dos partidos serán de 2 puntos por gañar o partido, 1 punto polo empate e 0 puntos se o partido se perde. Lembramos que as sancións se reflectirán en acta e que conlevarán a perda de 1 punto por cada unha delas para o equipo (protestas aos árbitros, faltas de respecto cara outros nenos/as e agresións a outros nenos/as), ademais das posibles sancións individuais que se poidan decidir, tamén suporá perda de 1 punto cando se acumulen 3 partidos sen facer o quecemento.
Deixamos os calendarios, así coma os equipos que participan na competición, se picades sobre a imaxe poderedes vela nun tamaño maior. Agora a xogar, Superformigas!